Portúgalski þjálfarinn Jose Mourinho tók á dögunum við þjálfun Fenerbahce í Tyrklandi en hann hefur lofað því að hann ætli ekki að fá leikmenn frá sínu gamla félagi Roma.
Mourinho var rekinn frá Roma í byrjun árs eftir slakt gengi en hann átti nokkra uppáhalds leikmenn í því liði.
Það var greinilega ekki nóg til þess að heilla hann því Mourinho ætlar ekki að sækja einn leikmann frá Roma.
„Það eru nöfn leikmanna hjá félögum sem ég stýrði, en ég vil að það sé 100 prósent mín orð að ég hef engan áhuga á að fá leikmenn frá AS Roma,“ sagði Mourinho.
Romelu Lukaku og Paulo Dybala hafa báðir verið orðaðir við Fenerbahce, en eftir þessi orð Mourinho virðast þau skipti ekki lengur í myndinni.
Athugasemdir