FH heimsóttu Stjörnumenn á Samsungvellinum í Garðabæ þegar 10.umferð Bestu deildar karla hóf göngu sína í kvöld.
Bæði lið vonuðust til þess að komast aftur á sigurbraut eftir misgott gengi í síðustu umferðum en bið FH verður að bíða örlítið lengur.
Lestu um leikinn: Stjarnan 4 - 2 FH
„Alltaf vonbriði að tapa. Mér fannst við ekkert þurfa að tapa þessum leik." Sagði Heimir Guðjónsson þjálfari FH eftir tapið í kvöld.
„Við fengum á okkur fjögur mörk, fengum á okkur þrjú síðast. Við erum bara að fá alltof mikið af mörkum á okkur. Liðsvarnarleikurinn er ekki nógu góður og við skorum alltaf nóg af mörkum en við fáum alltof mikið af mörkum á okkur. Við þurfum bara að fara í ákveðna grunnvinnu og vera með grunnatriði leiksins á hreinu. Fyrsta hugsun verður að halda markini hreinu."
FH komst yfir í leiknum en misstu svo leikinn frá sér.
„Þetta var svolítið skrítinn leikur sem markaðist af því að það var langt síðan það var spilað. Við vorum með í byrjun sérstaklega einfaldar sendingar að klikka hjá okkur og svona en við komumst yfir. Ætluðum að halda út í hálfleikinn en misstum fókus. Þeir tóku aukaspyrnu strax og við vorum ekki klárir og skoruðu."
„Þeir byrja seinni hálfleikinn ágætlega en mér fannst við komast inn í leikinn en samt sem áður þá vorum við að skapa einhver færi og skoruðum tvö mörk en það var bara eins og ég nefndi áður, varnarleikur liðsins er ekki nógu góður."
Nánar er rætt við Heimi Guðjónsson í spilaranum hér fyrir ofan.
Lið | L | U | J | T | Mörk | mun | Stig |
---|---|---|---|---|---|---|---|
1. Víkingur R. | 22 | 15 | 4 | 3 | 56 - 23 | +33 | 49 |
2. Breiðablik | 22 | 15 | 4 | 3 | 53 - 28 | +25 | 49 |
3. Valur | 22 | 11 | 5 | 6 | 53 - 33 | +20 | 38 |
4. ÍA | 22 | 10 | 4 | 8 | 41 - 31 | +10 | 34 |
5. Stjarnan | 22 | 10 | 4 | 8 | 40 - 35 | +5 | 34 |
6. FH | 22 | 9 | 6 | 7 | 39 - 38 | +1 | 33 |
7. Fram | 22 | 7 | 6 | 9 | 31 - 32 | -1 | 27 |
8. KA | 22 | 7 | 6 | 9 | 32 - 38 | -6 | 27 |
9. KR | 22 | 5 | 6 | 11 | 35 - 46 | -11 | 21 |
10. HK | 22 | 6 | 2 | 14 | 26 - 56 | -30 | 20 |
11. Vestri | 22 | 4 | 6 | 12 | 22 - 43 | -21 | 18 |
12. Fylkir | 22 | 4 | 5 | 13 | 26 - 51 | -25 | 17 |