Skotar töpuðu illa gegn heimamönnum í Þýskalandi í fyrstu umferð riðlakeppninnar en Steve Clarke gerir tvær breytingar á liðinu.
Ryan Porteous er í banni og Grant Hanley kemur inn í hans stað. Billy Gilmour, miðjumaður Brighton, kemur inn fyrir Ryan Christie.
Það er ein breyting á liði Sviss sem lagði Ungverjaland. Xherdan Shaqiri fyrrum leikmaður Liverpool og Bayern kemur inn fyrir Kwadwo Duah.
Sviss kemur sér í góða stöðu með sigri en Skotar þurfa að vinna til að vera í góðri stöðu fyrir lokaumferðina.
Liðin leika í A-riðli með Þýskalandi og Ungverjalandi en Þýskaland er í góðum málum eftir sigur á Ungverjum fyrr í kvöld.
Skotland: Gunn, Hendry, Hanley, Tierney, Ralston, Gilmour, McGregor, Robertson, McTominay, McGinn, Adams.
Sviss: Sommer, Schär, Akanji, Rodríguez; Widmer, Xhaka, Freuler, Aebischer, Ndoye, Vargas, Shaqiri
