Sky Sports fjallar um það í dag að Argentínumaðurinn Paulo Dybala sé opinn fyrir því að fara í ensku úrvalsdeildina í sumar.
Dybala var að klára sitt annað tímabil með Roma en hann hefur gert 34 mörk í 77 keppnisleikjum með félaginu.
Þar áður lék hann með Juventus frá 2015 til 2022 þar sem hann skoraði 115 mörk í 293 leikjum.
Fram kemur á Sky Sports að Dybala sé með 12 milljón evra riftunarverð í samningi sínum og fæst hann því á algjöru gjafaverði. Klásúlan er virk til 31. júlí núna þegar Dybala er á leið inn í sitt síðasta samningsár hjá Roma.
Hinn þrítugi Dybala hefur spilað 38 landsleiki fyrir Argentínu.
Athugasemdir