Varnarmaðurinn Merih Demiral hefur verið dæmdur í tveggja leikja bann af UEFA vegna óviðeigandi fagns í 2-1 sigri Tyrklands á Austurríki í 16-liða úrslitum Evrópumótsins.
Demiral, sem hefur verið einn af bestu leikmönnum Tyrklands á mótinu, skoraði bæði mörkin í leiknum gegn Austurríki.
Hann fagnaði þeim með einhverskonar úlfafagni sem vísaði í hægri-öfgahópinn 'Gráu Úlfarnir'. Evrópusambandið hefur flokkað hópinn sem hryðjuverkasamtök og er hann bannaður í Austurríki.
Demiral reyndi að afsaka sig eftir leikinn en það þýddi lítið. UEFA hóf rannsókn og komst að þeirri niðurstöðu að dæma hann í tveggja leikja bann.
Þetta þýðir að hann verður ekki með gegn Hollandi í 8-liða úrslitum á morgun og myndi einnig missa af undanúrslitunum ef Tyrkland kemst áfram.
Svakalegt högg fyrir Tyrki sem gæti farið langleiðina með að kosta liðið sæti í 8-liða úrslitum. Mikilvægi hans fyrir liðið er slíkt.
Athugasemdir