![Icelandair](/images/icelandair2_150x150px.png)
Íslenska landsliðið mætir því enska í vináttulandsleik á Wembley klukkan 18:45 annað kvöld. Þetta verður síðasti leikur Englands fyrir Evrópumótið í Þýskalandi.
Ísland og England hafa mæst fimm sinnum áður og þar af einu sinni áður á Wembley. Ísland hefur unnið einn leik, en það var þegar liðin mættust í leiknum fræga í 16-liða úrslitum EM 2016 í Frakklandi.
Jafntefli varð niðurstaðan í fyrstu viðureign liðanna, á Laugardalsvelli í júní 1982. Síðustu tveir leikir liðanna voru í Þjóðadeildinni árið 2020, en þar unnu Englendingar báða leikina.
Ísland og England hafa mæst fimm sinnum áður og þar af einu sinni áður á Wembley. Ísland hefur unnið einn leik, en það var þegar liðin mættust í leiknum fræga í 16-liða úrslitum EM 2016 í Frakklandi.
Jafntefli varð niðurstaðan í fyrstu viðureign liðanna, á Laugardalsvelli í júní 1982. Síðustu tveir leikir liðanna voru í Þjóðadeildinni árið 2020, en þar unnu Englendingar báða leikina.
Í dag, fimmtudag, mun Ísland æfa á Wembley en uppselt er á leikinn á morgun. Það verða hinsvegar auðvitað engir áhorfendur á æfingunni í dag, rétt eins og þegar liðin léku síðast á vellinum.
Það var þann 18. nóvember 2020, meðan Covid faraldurinn geysaði, sem liðin léku fyrir luktum dyrum í Þjóðadeildarleik á Wembley. Phil Foden skoraði tvívegis í leiknum, eftir að Birkir Már Sævarsson hafði fengið rautt spjald. Declan Rice og Mason Mount höfðu skorað tvö fyrstu mörkin í 4-0 sigri Englands.
Sverrir Ingi Ingason, Jón Dagur Þorsteinsson, Ísak Bergmann Jóhannesson og Arnór Ingvi Traustason spiluðu þann leik á Wembley en þeir eru líka í hópnum núna. Arnór Sigurðsson og Alfons Sampsted voru ónotaðir varamenn.
Athugasemdir