| mið 20.apr 2022 11:30 Mynd: Fótbolti.net - Hafliði Breiðfjörð |
|
Spá Fótbolta.net fyrir Bestu kvenna: 10. sæti
Keppni í Bestu kvenna hefst 26. apríl næstkomandi. Fótbolti.net mun næstu dagana opinbera spá fyrir deildina í sumar en liðin verða kynnt eitt af öðru næstu dagana.
Gunnar Magnús
Eiður er spenntur að sjá hvað Dröfn gerir í sumar.
Caroline er komin til Keflavíkur
Amelía Rún var næstmarkahæst á síðasta tímabili.
Samantha leysir Tiffany af og ver mark Keflavíkur í sumar.
1. ?
2. ?
3. ?
4 ?
5 ?
6. ?
7. ?
8. ?
9. ?
10. Keflavík
10. sæti Keflavík (fall)
Lokastaða í fyrra: Liðið endaði í 8. sæti sem nýlíði í fyrra, endaði fjórum stigum fyrir ofan fallsæti og fjórum stigum frá liðinu í sjöunda sæti. Liðið náði í sex stig á heimavelli og tólf stig á útivelli.
Þjálfarinn: Gunnar Magnús Jónsson er á leið í sitt sjötta tímabil með Keflavík. Hann hafði áður þjálfað karlalið Njarðvíkur og kvennalið Grindavíkur.
Álit Eiðs
Eiður Ben Eiríksson er sérfræðingur Fótbolta.net í Bestu kvenna en hann var síðustu ár annar af þjálfurum Vals. Hér er álit Eiðs á liði Keflavíkur.
„Það kemur líklegast engum á óvart að Keflavík sé spáð 10. sætinu. Eftir að hafa lært af reynslunni árið 2019, kom Keflavíkur liðið betur undirbúið til leiks í fyrra og vann stig á ótrúlegustu stöðum. Það voru leikirnir gegn Val og Breiðablik sem á endanum tryggðu þeim áframhaldandi sæti í efstu deild. En stöðugleiki er orð sem Keflavíkurliðið þekkir ekki og gátu þær unnið Breiðablik á útivelli en tapað gegn Fylki á heimavelli.
Helsti styrkleiki Keflavíkur er fólkið í kringum liðið og margar heimastúlkur í liðiðnu. Það er líklegt að ef á móti blæs í sumar að liðið muni geta leitað í gildi félagsins og þjappi sér saman. Þjálfarateymið er klárlega mikill styrkur og í raun óþekkt hversu lengi einn þjálfari hefur verið með eitt lið í kvennaboltanum á íslandi. Gunnar er skipulagður þjálfari og mjög klókur að sækja góðar styrkingar, hann er fljótur að sigta út slaka karaktera og nýtir styrkleika sinna bestu leikmanna vel."
Keflavík er alltaf Keflavík í Keflavík
„Liðið heldur alltaf sínum kjarna og yngri flokkastarfið í Keflavík er að skila upp öflugum leikmönnum. Það hefur verið ströggl fyrir Keflavík að sækja leikmenn í bæinn og því er mikil blóðtaka fyrir lið eins og Keflavík að missa íslenskan leikmann eins og Natöshu.
Liðið verður skipulagt eins og undanfarin ár varnarlega en verður í vandræðum að stjórna leikjum. Þetta gæti orðið súrt ár í Keflavík hjá karla og kvennaliðinu en Keflavík er alltaf Keflavík í Keflavík og það verður aldrei auðvelt að sækja stig gegn þeim.
Ef liðið nær upp sama brag og í fyrra þá gætu þær barist nær miðju heldur enn botni."
Lykilmenn: Caroline Slambrouck, Ana Santos og Samantha Leshnak.
Gaman að fylgjast með: Dröfn Einarsdóttir er leikmaður sem maður hefur beðið eftir að springi út, vonandi verður það í sumar. Einnig verður gaman að sjá hvort Aníta Bergrán fái mínútur í sumar.
Komnar:
Ana Santos frá Bandaríkjunum
Caroline Van Slambrouck frá Spáni
Samantha Leshnak frá Bandaríkjunum
Farnar:
Abby Carchio til Frakklands
Aerial Chavarin til Mexíkó
Birgitta Hallgrímsdóttir til Grindavíkur
Berta Svansdóttir hætt
Cassandra Rohan til Bandaríkjanna
Celine Rumpf hætt
Elín Helena Karlsdóttir í Breiðablik (var á láni)
Eva Lind Daníelsdóttir til Grindavíkur á láni
Marín Rún Guðmundsdóttir til Grindavíkur
Natasha Anasi til Breiðabliks
Tiffany Sornpao í Selfoss
Athugasemdir
