Alexandra Jóhannsdóttir.
„Ætli ég sé ekki bara svolítið svekkt?" sagði Alexandra Jóhannsdóttir, miðjumaður landsliðsins, eftir 1-1 jafntefli gegn Austurríki í undankeppni EM 2025 í dag.
„Við fáum á okkur klaufalegt víti og fáum svo nóg af færum. Við förum með blóð á tönnunum inn í leikinn á þriðjudaginn."
„Við fáum á okkur klaufalegt víti og fáum svo nóg af færum. Við förum með blóð á tönnunum inn í leikinn á þriðjudaginn."
Lestu um leikinn: Austurríki 1 - 1 Ísland
Vítaspyrnan sem Austurríki fékk var dæmt á Alexöndru, en hún var ekki par sátt við dómara leiksins sem kom frá Finnlandi.
„Mér fannst ég ekki vera inn í teig, en ég held að ég hafi verið inn í teig. Miðað við hvernig línan var í leiknum, ætli þetta hafi ekki þá verið víti? Hún gaf mér spjald og tók ekki spjaldið í burtu fyrr en Glódís lét hana heyra það. Segir það ekki svolítið hvernig dómari þetta er?"
„Mér fannst þetta ekki vera fótboltaleikur sem hún var að dæma. Þetta líktist körfubolta svolítið á tímabili. Það mátti ekki gera neitt. Við hefðum átt að vera klókar líka og henda okkur niður eins og þær," sagði Alexandra.
Alexandra vann svo vítið sem við fengum. Var það vítaspyrna? „Já, er það ekki bara? Fór þetta ekki í höndina á henni? Er olnboginn ekki hluti af höndinni?"
Við getum tekið margt jákvætt úr leiknum fyrir næsta leik á móti Austurríki á þriðjudaginn. „Það er nýtt lið á þriðjudaginn, nýtt sett sem dæmir og við sjáum hvort línurnar verði öðruvísi. Við sjáum hvort þær höndli það þá. Við erum að fara á heimavöll og við erum góðar á heimavelli. Mér finnst við vera stærri aðilinn farandi inn í leikinn á þriðjudaginn."
Athugasemdir
