Oliver Glasner þakkaði dómaranum að eyðileggja ekki daginn fyrir sér eftir jafntefli Crystal Palace gegn Chelsea í dag.
Will Hughes, miðjumaður liðsins, var heppinn að fá ekki sitt annað gula spjald þegar hann reif Cole Palmer niður.
„Ége veit ekki hvort hann var heppinn en ég gerði stór mistök. AÐstoðarþjálfarinn sagði í hálfleik að ég ætti að taka hann út af en ég ákvað að halda honum lengur. Ég er mjög ánægður að dómarinn hafi ekki rústað sunnudeginum fyrir mig," sagði Glasner.
„Hann var svolítið seinn en þetta var ekki hræðilegt brot. Mér fannst þetta góð ákvörðun fyrir leikinn því annars hefðu verið mörg gul spjöld og við viljum sjá ellefu á móti ellefu."
Athugasemdir
