Osimhen reyndi allt til að komast frá Napoli í sumar og samþykkti ítalska félagi að selja hann.

Chelsea og Al-Ahli náðu bæði samkomulagi við Napoli, en Osimhen var ekki tilbúinn að taka á sig launalækkun hjá enska félaginu og þá ákvað Al-Ahli að fá Ivan Toney í staðinn.

Glugginn í Sádi-Arabíu lokar á morgun en hann mun líklega vera áfram hjá Napoli fram í janúar.

Napoli mun ekki skrá Osimhen í hópinn fyrir Seríu A og mun því ekki spila meira með liðinu á þessu ári.

Leikmaðurinn og umboðsmenn hans voru of gráðugir og nú þarf framherjinn að súpa seiðið af því.

„Staðan er skýr. Í lok síðasta tímabils tjáði Victor okkur að hann hefði engan áhuga á að vera áfram í Napoli hvað þá spila fyrir félagið. Við reyndum að koma til móts við hann. Síðan kemur eftirspurnin og tilboðin. Við töldum okkur hafa klárað viðræður, en það fór ekki vel. Við fengum Lukaku og héldum bæði Simeone og Raspadori, sem var alls ekki gefið. Samræmið hefur verið eins frá fyrsta degi. Hann tjáði okkur að hann vildi ekki spila fyrir Napoli og við fórum við aðrar leiðir.“

„Leikmannamarkaðurinn er enn opinn. Það eru margir möguleikar í stöðunni, en ég held að Victor fari ekki til Sádi-Arabíu í þessum glugga,“ sagði Manna við TuttoMercatoWeb.