Al Ittihad gerði tilboð í Trossard upp á 25 milljónir punda en Arsenal hefur engan áhuga á selja belgíska landsliðsmanninn.

Félagaskiptaglugginn á Englandi lokaði síðasta föstudagskvöld en hann er enn opinn í Sádi-Arabíu. Hann lokar þar í kvöld.

Arsenal getur ekki fengið leikmann inn í staðinn fyrir Trossard fyrr en í janúar og ætlar félagið því ekki að selja hann núna.

Trossard var keyptur til Arsenal frá Brighton í janúar 2023 fyrir 21 milljón punda og hefur hann reynst öflugur eftir félagaskiptin. Hefur hann verið sterkur í því að koma inn af bekknum.