Naby Keita, fyrrum leikmaður Liverpool, hefur verið valinn versti leikmaður tímabilsins í Þýskalandi, en það eru leikmenn deildarinnar sem sjá um valið.
Tími Keita hjá Liverpool einkenndist af miklum meiðslum á þeim fimm árum sem hann eyddi hjá félaginu.
Hann varð Englands- og Evrópumeistari með Liverpool áður en hann yfirgaf félagið á frjálsri sölu á síðasta ári.
Keita samdi við Werder Bremen í Þýskalandi en spilaði aðeins fimm leiki á tímabilinu. Hann var mikið meiddur stærstan hluta þess, en kom sér síðan í ónáðna er hann neitaði að ferðast með liðinu í útileik gegn Bayer Leverkusen.
Bremen sendi frá sér yfirlýsingu þar sem það sagðist ekki umbera hegðun leikmannsins og sendi hann í kjölfarið í bann út tímabilið.
Þessi hegðun hans náði til kollega hans í deildinni en 227 leikmenn völdu Keita versta leikmann tímabilsins í samstarfi við Kicker. Keita fékk 25,6 prósent atkvæða frá kollegum sínum.
Athugasemdir