Fyrrum landsliðsmenn Hollands hafa verið duglegir við að gagnrýna þá leikmenn sem spila fyrir landsliðið í dag.

Matthijs De Ligt, Virgil van Dijk og fleiri leikmenn hafa reglulega fengið að heyra það frá forverum sínum, en Gullit, sem var einn besti leikmaður heims á níunda áratugnum og byrjun tíunda áratugarins, sagði De Jong ekki sinna mikilvægu hlutverki í landsliðinu.

Sagði Gullit að De Jong væri ekki jafn mikilvægur leikmaður og Toni Kroos fyrir Real Madrid og þýska landsliðið.

„Fólk hugsar oft í mörkum og stoðsendingum. Ég er með ákveðið hlutverk. Ég get ekki byggt upp eða stjórnað leiknum eða skorað og lagt upp mörk trekk í trekk. Það hefur aldrei verið til leikmaður í þessari stöðu sem hefur afrekað það. Er Kroos með mörg mörk og stoðsendingar?“ sagði og spurði De Jong í viðtali við AD.

Til að svara þessari spurningu þá kom Kroos að 127 mörkum í 465 leikjum með Real Madrid á þeim tíu árum sem hann spilaði hjá félaginu. Hjá Bayern kom hann að 73 mörkum í 205 leikjum og hjá Leverkusen átti hann þátt í 23 mörkum í 48 leikjum.

Með þýska landsliðinu hefur Kroos skorað 17 mörk og gefið 21 stoðsendingu í 108 landsleikjum. Þannig svarið til De Jong er; Já, hann hefur komið að mörgum mörkum og stoðsendingum, en fær líka að koma meira að föstum leikatriðum en Hollendingurinn.