Fyrrum fótboltamaðurinn Fernando Hierro er nýr yfirmaður íþróttamála hjá sádi-arabíska félaginu Al-Nassr.
Hierro er talinn með bestu varnarmönnum allra tíma en hann lék lengst af á ferlinum með Real Madrid.
Þar spilaði hann frá 1989 til 2003 þar sem hann vann fjölda titla ásamt því að hafa spilað 89 landsleiki fyrir Spán.
Síðustu tvö ár hefur hann unnið sem yfirmaður íþróttamála hjá Guadalajara í Mexíkó en hann sagði starfi sínu lausu í lok síðasta mánaðar til að taka við sömu stöðu hjá Al-Nassr.
Hann var kynntur í dag en hans fyrsta verk verður að styrkja leikmannahóp félagsins í sumarglugganum.
Al-Nassr var í titilbaráttu og komst í úrslitaleik bikarsins, en tapaði báðum keppnum fyrir Al-Hilal.
Athugasemdir