Dries Mertens, leikmaður Galatasaray í Tyrklandi, hefur framlengt samning sinn við félagið til 2025 en þetta tilkynnti félagið í gær.
Belgíski sóknarmaðurinn gerði garðinn frægan hjá PSV Eindhoven og síðar Napoli á ferli sínum.
Mertens er markahæsti leikmaður í sögu Napoli en fyrir tveimur árum samdi hann við Galatasaray í Tyrklandi.
Eftir síðasta tímabil ætlaði Mertens að leggja skóna á hilluna eftir farsælan feril en hefur nú hætt við að hætta.
Galatasaray tilkynnti á heimasíðu sinni að Mertens væri búinn að framlengja samning sinn til 2025 og mun hann þéna um 3 milljónir evra í árslaun.
Mertens er 37 ára gamall og spilaði alls 109 landsleiki og skoraði 21 mark á ellefu ára landsliðsferli sínum með Belgíu.
Athugasemdir