Skoski miðjumaðurinn Stuart Armstrong yfirgefur Southampton þegar samningur hans rennur út í lok mánaðar. Félagið staðfesti þetta í gær.
Armstrong er 32 ára gamall og kom við sögu í 42 leikjum með Southampton á síðustu leiktíð.
Hann spilaði stóra rullu er liðið komst aftur upp í ensku úrvalsdeildina.
Félagið tók ákvörðun um að framlengja ekki samning leikmannsins og er hann því á förum.
Armstrong hafði spilað flesta leiki liðsins áður en hann meiddist í lok apríl, en alls lék hann 218 leiki á sex árum sínum hjá félaginu.
Che Adams og Alex McCarthy eru einnig að renna út á samningi en Southampton er að vonast til að framlengja við þá báða.
Athugasemdir