Þessi 35 ára gamla 'nía' endaði sem markahæsti leikmaður Barcelona á nýafstaðinni leiktíð.

Hann gerði alls 26 mörk og gaf 9 stoðsendingar en Barcelona reynir nú allt til að halda honum áfram hjá félaginu.

Pólski sóknarmaðurinn á enn tvö ár eftir af samningi sínum, en þrátt fyrir það vill Barcelona gera nýjan samning við hann.

Laporta segir að Lewandowski hafi hafnað nokkrum tilboðum félagsins, en síðustu mánuði hefur hann verið orðaður við félög í Sádi-Arabíu.

„Lewandowski hefur hafnað fjárhagslega mikilvægum tilboðum um að vera áfram hjá Barcelona,“ sagði Laporta.

Þá vill Laporta halda brasilíska framherjanum Vitor Roque, sem er sagður óánægður í herbúðum félagsins eftir að hafa fengið fá tækifæri til að spreyta sig á fyrsta tímabili sínu.

„Hann er að aðlagast okkar veröld, félaginu og nýju umhverfi. Hann er að bara að finna taktinn,“ sagði Laporta um Vitor Roque.