Thiago Motta verður kynntur sem nýr þjálfari Juventus í næstu viku en þetta segir ítalski fótboltafréttamaðurinn Fabrizio Romano á X.
Motta kom Bologna í Meistaradeild Evrópu fyrir næstu leiktíð og er nú klár í að taka næst skref ferilsins.
Hann hefur náð samkomulagi við Juventus um að stýra liðinu til 2027.
Gengið verður frá samningum á næstu dögum og hann kynntur síðan í næstu viku.
Bologna hefur fundið arftaka Motta en Vincenzo Italiano mun taka við keflinu eftir að hafa stýrt Fiorentina við góðan orðstír síðustu þrjú ár.
Athugasemdir