Alfreð Finnbogason er mættur aftur í íslenska landsliðshópinn eftir að hafa horft á íslenska liðið tapa stórt gegn Sviss og Belgíu í síðasta mánuði.
Alfreð segir að liðið sé í hefndarhug fyrir leikinn gegn Sviss á morgun.
Alfreð segir að liðið sé í hefndarhug fyrir leikinn gegn Sviss á morgun.
„Það má alveg segja að við séum í hefndarhug. Þegar maður fær svona slæma útreið gegn liði þá vill maður bæta fyrir það. Ég held að það sé nokkuð ljóst að við erum betra lið en við sýndum í þeim leik."
„Nú erum við á heimavelli og komnir með kjarnann úr liðinu til baka og við sáum það í síðasta leik að það er ennþá líf í þessum gömlu köllum."
Alfreð horfði á Ísland tapa 6-0 úr stúkunni en hann var þá að glíma við meiðsli.
„Mér leið mjög illa. Það er sárt og erfitt að horfa uppá liðsfélaga sína fá svona útreið. Þetta er leiðinlegi hlutinn af fótbolta, meiðslin. Það er erfitt að geta ekki hjálpað liðinu og þetta voru bara gríðalega erfiðar 90 mínútur."
Alfreð líst vel á Hamrén og lýsir honum sem persónulegum þjálfara.
„Mér líst mjög vel á hann. Hann sækir mikið í spjall við leikmenn og vill heyra hvað þeir hafa að segja. Hann hringdi í einhverja leikmenn um leið og hann tók við og sagði þeim hvernig hann myndi vilja vinna hlutina."
„Hann vill að við séum djarfari með boltann og höldum honum betur, ekki að við séum að fara að breyta okkur í eitthvað possession lið. Heimir þróaði þetta lið í rétta átt en ég vona að Hamrén og Freyr geti þróað þetta enn lengra."
Viðtalið við Alfreð má sjá í heild sinni hér að ofan.
Athugasemdir
