| fim 25.sep 2025 17:00 Mynd: Reynir Sandgerði |
|
Lið ársins og bestu menn í 3. deild karla
Tímabilinu í 3. deild karla lauk núna á dögunum. Hvíti riddarinn kom á óvart með því að vinna deildina og fylgir Magni Grenivík þeim upp um deild. Þetta var erfitt sumar hins vegar fyrir ÍH sem endaði aðeins með fjögur stig á botninum og átti erfitt oft á tíðum með að fylla í lið. KFK féll með ÍH niður í 4. deild.
Fótbolti.net fékk þjálfara deildarinnar til að velja úrvalslið keppnistímabilsins. Hér að neðan má líta það augum. Einnig er opinberað val á þjálfara og leikmanni ársins ásamt efnilegasta leikmanninum.
Fyrir leik Hvíta riddarans og Magna sem fóru upp úr 3. deild í sumar.
Hvíti riddarinn vann deildina.
Ólafur Darri hér í leik með Haukum.
Ásbjörn Jónsson er þjálfari ársins.
Bjarki Þór fékk fullt hús atkvæða í lið ársins.
Sverrir Hrafn Friðriksson.
Daníel Gylfason.
Darri Bergmann Gylfason - Augnablik
Bjarki Þór Viðarsson - Magni
Sverrir Hrafn Friðriksson - Tindastóll
Birkir Örn Baldvinsson - Hvíti riddarinn
Daníel Gylfason - Árbær
Guðbjörn Smári Birgisson - Hvíti riddarinn
Alexander Ívan Bjarnason - Magni
Viktor Andri Pétursson - Augnablik
Hilmar Þór Sólbergsson - Hvíti riddarinn
Ólafur Darri Sigurjónsson - Reynir S.
Kolbeinn Tumi Sveinsson - Tindastóll
Bekkur:
Axel Ýmir Jóhannsson - Hvíti riddarinn
Arnór Daði Gunnarsson - Augnablik
Halldór Atli Kjartansson - Augnablik
Eysteinn Þorri Björgvinsson - Augnablik
Manuel Ferriol - Tindastóll
Arnór Siggeirsson - Reynir S.
Gunnar Darri Bergvinsson - Magni
Aðrir sem fengu atkvæði í úrvalsliðið:
Markverðir: Ómar Castaldo Einarsson (Reynir S.), Nikola Stoisavljevic (Tindastóll), Einar Ari Ármansson (Magni).
Varnarmenn: Viktor Smári Sveinsson (Tindastóll), Jóhann Frans Ólason (Sindri), Sindri Sigurjónsson (Hvíti riddarinn), Guðmundur Axel Blöndal (Ýmir), Jón Ernir Ragnarsson (KV), Aron Elí Kristjánsson (Magni), Dmytro Bondarenko (KF), Svend Emil Busk Friðriksson (Tindastóll), Júlíus Valdimar Guðjónsson (Hvíti riddarinn), Trausti Þráinsson (Hvíti riddarinn), Gabríel Þór Stefánsson (Augnablik), Ástþór Ingi Rúnólfsson (Hvíti riddarinn), Ivan Paponja (Sindri), Samúel Már Kristinsson (KV).
Miðjumenn: Theodór Elmar Bjarnason (KV), Ragnar Páll Sigurðsson (Árbær), Ibrahim Sorie Barrie (Sindri), Askur Jóhannsson (KV).
Sóknarmenn: Jordan Smylie (Reynir S.), Benjamín Jóhannes Gunnlaugarson (Tindastóll), Tristan Alex Tryggvason (KV), Svetislav Milosevic (Tindastóll), Jordan Tyler (Árbær), Sigurður Brouwer Flemmingsson (Hvíti riddarinn), Tómas Örn Arnarsson (Magni).
Þjálfari ársins: Ásbjörn Jónsson (Hvíti riddarinn)
Fyrir tímabilið var Hvíta riddaranum spáð um miðja deild en Mosfellingar komu á óvart með því að vinna deildina. Þeir fóru hamförum í markaskorun og skoruðu 72 mörk í 22 leikjum en liðið spilaði býsna skemmtilegan og árangursríkan fótbolta. Ásbjörn Jónsson tók við liðinu fyrir tímabil af Ásgeiri Frank Ásgeirssyni sem gerðist aðstoðarþjálfari Fjölnis. Ásbjörn eða Ási eins og hann er kallaður hefur bæði þjálfað og spilað með Hvíta riddaranum áður en auk þess gerði hann 3. flokk karla í Aftureldingu Íslandsmeistara árið 2018. Hann vinnur þessi verðlaun með yfirburðum en næstur kom Guðmundur Óli Steingrímsson sem kom Magna upp um deild.
Aðrir sem fengu atkvæði sem þjálfari ársins: Þórarinn Jónas Ásgeirsson (Ýmir), Ray Anthony Jónsson (Reynir S.), Guðmundur Óli Steingrímsson (Magni).
Leikmaður ársins: Ólafur Darri Sigurjónsson (Reynir S.)
Ólafur Darri átti frábært sumar í Sandgerði þar sem hann skoraði 21 mark í 21 leik fyrir Reynismenn. Þessi öflugi sóknarmaður er uppalinn í Haukum og byrjaði að spila þar með meistaraflokki árið 2022 en hann skoraði meðal annars þrennu í 1-5 sigri gegn KFA það sumarið. En svo gekk þetta einfaldlega ekki upp á Ásvöllum og hann ákvað að söðla um fyrir tímabilið núna. Þetta skref gekk frábærlega upp fyrir hann þar sem hann skoraði mark í leik og náði að sýna sig vel í þessari deild. Hann skoraði 21 mark og var markahæsti leikmaður deildarinnar en Reynir endaði samt bara í fimmta sæti deildarinnar. Þetta var spennandi kosning en Alexander Ívan Bjarnason og Guðbjörn Smári Birgisson voru jafnir í öðru sæti.
Aðrir sem fengu atkvæði sem leikmaður ársins: Alexander Ívan Bjarnason (Magni), Kolbeinn Tumi Sveinsson (Tindastóll), Daníel Gylfason (Árbær), Bjarki Þór Viðarsson (Magni), Brynjar Jónasson (ÍH), Guðbjörn Smári Birgisson, Viktor Andri Pétursson (Augnablik).
Efnilegastur: Ólafur Darri Sigurjónsson (Reynir S.)
Ólafur Darri tekur þessi verðlaun líka en hann er fæddur árið 2005 og er því á 20. aldursári. Hann sprakk út í sumar og verður gaman að fylgjast með þessum efnilega sóknarmanni á næstu árum en vonandi nær hann að fylgja þessum flotta árangri eftir. Jóhann Frans Ólason, strákur fæddur 2009 úr Sindra, kom næst á eftir í kosningunni ásamt Birki Erni Baldvinssyni og Kolbeini Tuma Sveinssyni en þetta var líka jafnt og spennandi eins og valið á leikmanni ársins.
Aðrir sem fengu atkvæði sem efnilegastur: Baldvin Dagur Vigfússon (Ýmir), Jóhann Frans Ólason (Sindri), Tristan Alex Tryggvason (KV), Birkir Örn Baldvinsson (Hvíti riddarinn), Kolbeinn Tumi Sveinsson (Tindastóll).
Sjá einnig:
Lið ársins og bestu menn í 2. deild karla
Lið ársins og önnur verðlaun í Lengjudeild kvenna
