Þór/KA og FH mættust í 1. umferð efri hlutans í Bestu deild kvenna. Leikið var á Greifavellinum en Þór/KA spilar þrjá síðustu heimaleiki sína á gervigrasinu við KA heimilið.
FH lagði Þór/KA á VÍS vellinum fyrr á þessu tímabili en í dag var það Þór/KA sem hafði betur og styrkti stöðu sína í 3. sæti deildarinnar.
Markadrottningin Sandra María Jessen skoraði eina mark leiksins í byrjun seinni hálfleiks. Hún er langmarkahæst í deildinni og var markið í dag hennar 21. í sumar.
„Mistök og Sandra María refsar. Rosalega vond sending út úr varnarlínu FH sem fer beint á Lönu. Hún fær hlaup frá Söndru Maríu sem fær boltann frá henni vinstra megin i teignum og klárar færið af stakri prýði framhjá Aldísi," skrifaði Sverrir Örn Einarsson í textalýsingu frá leiknum.
Áður en Sandra skoraði, á 26. mínútu, kom FH boltanum í netið en markið var dæmt af. Brot var þá dæmt á FH. Vafasamur dómur hjá Bríeti Bragadóttur samkvæmt lýsingu Sverris.
Þór/KA er með sigrinum fjórum stigum á undan Víkingi sem er í 4. sæti þegar fjórar umferðir eru eftir.
Besta-deild kvenna - Efri hluti
Lið | L | U | J | T | Mörk | mun | Stig |
---|---|---|---|---|---|---|---|
1. Breiðablik | 20 | 18 | 0 | 2 | 54 - 10 | +44 | 54 |
2. Valur | 20 | 17 | 2 | 1 | 50 - 17 | +33 | 53 |
3. Þór/KA | 20 | 10 | 3 | 7 | 41 - 29 | +12 | 33 |
4. Víkingur R. | 20 | 9 | 5 | 6 | 31 - 33 | -2 | 32 |
5. FH | 20 | 8 | 1 | 11 | 30 - 40 | -10 | 25 |
6. Þróttur R. | 20 | 7 | 3 | 10 | 25 - 32 | -7 | 24 |
Athugasemdir