Manchester Utd 0 - 3 Liverpool
0-1 Luis Diaz ('35 )
0-2 Luis Diaz ('42 )
0-3 Mohamed Salah ('56 )
Það var mikil eftirvænting eftir leik Manchester United og Liverpool á Old Trafford. Mohamed Salah og Luis Diaz fóru ansi illa með Man Utd í leiknum.
Trent Alexander-Arnold hélt að hann hafi komið Liverpool yfir snemma leiks þegar hann kom boltanum yfir línuna en markið var dæmt af þar sem Salah var rangstæður í aðdragandanum.
Það var ekki mikið um marktilraunir í upphafi leiks en eftir rúmlega hálftíma leik skallaði Diaz boltann í netið eftir fyrigjöf Salah og í þetta sinn stóð markið og Liverpool komið með forystuna.
Undir lok fyrri hálfleiks vann Diaz boltann auðveldlega af Casemiro sem átti erfitt uppdráttar í leiknum og var tekinn af velli í hálfleik. Diaz sendi boltann á Salah og fékk hann síðan aftur og skoraði. 2-0 fyrir Liverpool í hálfleik.
Snemma í seinni hálfleik unnu Liverpool menn boltann á miðjum vellinum og brunuðu upp í skyndisókn. Dominik Szobozlai lagði boltann á Salah sem skoraði að miklu öryggi og innsiglaði sigur liðsins.
Mjög sannfærandi sigur hjá Liverpool. Arne Slot getur ekki beðið um meira í fyrstu leikjum sínum sem stjóri liðsins. Man Utd hins vegar aðeins með þrjú stig eftir þrjár umferðir.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Man City | 4 | 4 | 0 | 0 | 11 | 3 | +8 | 12 |
| 2 | Liverpool | 4 | 3 | 0 | 1 | 7 | 1 | +6 | 9 |
| 3 | Aston Villa | 4 | 3 | 0 | 1 | 7 | 6 | +1 | 9 |
| 4 | Brighton | 4 | 2 | 2 | 0 | 6 | 2 | +4 | 8 |
| 5 | Nott. Forest | 4 | 2 | 2 | 0 | 4 | 2 | +2 | 8 |
| 6 | Arsenal | 3 | 2 | 1 | 0 | 5 | 1 | +4 | 7 |
| 7 | Chelsea | 4 | 2 | 1 | 1 | 8 | 5 | +3 | 7 |
| 8 | Newcastle | 3 | 2 | 1 | 0 | 4 | 2 | +2 | 7 |
| 9 | Brentford | 4 | 2 | 0 | 2 | 6 | 6 | 0 | 6 |
| 10 | Man Utd | 4 | 2 | 0 | 2 | 5 | 5 | 0 | 6 |
| 11 | Bournemouth | 4 | 1 | 2 | 1 | 5 | 5 | 0 | 5 |
| 12 | Fulham | 4 | 1 | 2 | 1 | 4 | 4 | 0 | 5 |
| 13 | Tottenham | 3 | 1 | 1 | 1 | 6 | 3 | +3 | 4 |
| 14 | West Ham | 4 | 1 | 1 | 2 | 5 | 6 | -1 | 4 |
| 15 | Leicester | 4 | 0 | 2 | 2 | 5 | 7 | -2 | 2 |
| 16 | Crystal Palace | 4 | 0 | 2 | 2 | 4 | 7 | -3 | 2 |
| 17 | Ipswich Town | 4 | 0 | 2 | 2 | 2 | 7 | -5 | 2 |
| 18 | Wolves | 3 | 0 | 1 | 2 | 3 | 9 | -6 | 1 |
| 19 | Southampton | 4 | 0 | 0 | 4 | 1 | 8 | -7 | 0 |
| 20 | Everton | 4 | 0 | 0 | 4 | 4 | 13 | -9 | 0 |
