Manuel Ugarte hefur fengið treyjunúmer hjá Manchester United en hann mun bera númer 25 aftan á treyjunni sinni.
Jadon Sancho var í treyju númer 25 á síðustu leiktíð en hann færði sig um set í sumar og gekk til liðs við Chelsea á lokadegi félagaskiptagluggans.
Ugarte gekk til liðs við United á lokadegi félagaskiptagluggans frá PSG en enska félagið borgaði 50 milljónir evra fyrir þennan 23 ára gamla miðjumann.
Hann verður ekki í leikmannahópi liðsins sem mætir Liverpool í dag þar sem United tókst ekki að skrá hann á réttum tíma.
Athugasemdir