Patrick Pedersen skoraði markið sem bætti metið
Aldrei hafa verið skoruð fleiri mörk í einni umferð í efstu deild karla en í þessari sem er að klárast. Guðmundur Benediktsson hjá Stöð 2 Sport greinir frá þessu á X.
Lestu um leikinn: KR 3 - 5 Valur
Markametið í einni umferð voru 29 mörk en KR og Valur hafa séð til þess að slá það.
Fyrir leikinn var búið að skora 26 mörk en fjögur mörk voru komin í leikinn eftir rúman hálftíma og metið því fallið.
KR-ingar byrjuðu sterkt og komust í 2-0 á 64 sekúndum í byrjun fyrri hálfleiksins, en Valsarar héldu yfirvegun og komu sér aftur inn í leikinn. Tryggvi Hrafn Haraldsson og Patrick Pedersen jöfnuðu leikinn og skoruðu síðan tvö mörk til viðbótar áður en hálfleikurinn var úti.
Valsmenn hefðu getað skorað fleiri mörk en fóru illa með nokkur úrvalsfæri.
Markametið er nú 32 mörk en við fáum líklega að sjá fleiri mörk á Meistaravöllum áður en flautað verður til leiksloka.
Markametið í einni umferð er fallið í efstu deild. Metið var 29 mörk en er þegar komið í 32 mörk og við eigum nokkur inni á Meistaravöllum ???? pic.twitter.com/qmABNroMRv
— Gummi Ben ????? (@GummiBen) June 3, 2024
Athugasemdir
