Lestu um leikinn: Ísland 2 -  1 Austurríki

Hornspyrnur Karólínu Leu Vilhjálmsdóttur voru að valda miklum usla í teignum.

Tvær þeirra höfðu hafnað í stönginni og var aðeins tímaspursmál hvenær það kæmi mark eftir eina slíka.

Það kom á 70. mínútu. Karólína kom með háan bolta inn á teiginn og þar var mætti Hildur Antonsdóttir ákveðin og þrumuskallaði boltanum í netið. Annað landsliðsmark hennar og ansi mikilvægt.

Eins og staðan er núna er Ísland í öðru sæti riðilsins og að koma sér í þægilega stöðu fyrir síðustu tvo leiki riðilsins.