![Icelandair](/images/icelandair2_150x150px.png)
Íslenska kvennalandsliðið er komið í 1-0 gegn Austurríki í mikilvægum leik í undankeppni Evrópumótsins á Laugardalsvelli, en það var Hlín Eiríksdóttir sem gerði markið.
Lestu um leikinn: Ísland 2 - 1 Austurríki
Vindurinn hefur sett sinn svip á leikinn og verið erfitt að fá gott flæði í leikinn.
Íslenska liðið hefur þó náð að skapa hættu nokkrum sinnum á fyrsta hálftímanum og gerði fyrsta markið.
Guðrún Arnardóttir keyrði hratt upp vinstra megin, lék á varnarmann áður en hún fann Karólínu Leu Vilhjálmsdóttur við teiginn. Hún var fljót að sjá Hlín aleina hægra megin í teignum, sem lagði boltann undir markvörð Austurríkis og í netið.
Guðni Th. Jóhannesson, forseti Íslands, gaf Höllu Tómasdóttur, verðandi forseta, 'fimmu' í fögnuðinum eins og sjá má í myndbandinu hér fyrir neðan.
Hlín Eiríksdóttir kemur Íslandi yfir! Frábærlega gert hjá Guðrúnu Arnardóttur í undirbúningnum ????????
— RÚV Íþróttir (@ruvithrottir) June 4, 2024
Svo fáum við forseta-fimmu hjá Guðna og Höllu í fögnuðinum ???? pic.twitter.com/VRvely66dZ
Athugasemdir