Stjarnan tapaði fyrir Víkingi í undanúrslitum Mjólkurbikarsins en leikurinn fór alla leið í vítakeppni. Áberandi bæting var á spilamennsku Garðabæjarliðsins frá 4-0 tapi gegn sömu andstæðingum í Bestu deildinni í síðustu viku.
Jökull Elísabetarson þjálfari Stjörnunnar skipti yfir í 5-3-2 leikkerfi sem hann er ekki vanur að nota. Hann ákvað að mæta Víkingum í þessu kerfi og var spurður út í það í viðtali við mbl.is.
Jökull Elísabetarson þjálfari Stjörnunnar skipti yfir í 5-3-2 leikkerfi sem hann er ekki vanur að nota. Hann ákvað að mæta Víkingum í þessu kerfi og var spurður út í það í viðtali við mbl.is.
Lestu um leikinn: Víkingur R. 6 - 5 Stjarnan
„Sko, ég þoli ekki fimm manna vörn og þetta er í rauninni í fyrsta skipti sem ég prófa það. Ég á ekki von á því að við förum eitthvað að alvöru í þetta kerfi. Þegar við sáum að við áttum tvo leiki í röð gegn Víkingi hugsaði maður að það væri ólíklegt að við myndum vinna þá tvisvar í röð sem sama leikplani," segir Jökull sem ákvað að 'spegla' leikkerfi Víkings.
Heiðar Ægisson, Daníel Laxdal og Guðmundur Kristjánsson voru miðverðirnir þrír og Sindri Þór Ingimarsson var á miðsvæðinu.
„Þeir vilja spila 3-2-5 og þá stilltum við á móti upp í 5-2-3. Þeir hafa aðeins verið í vandræðum gegn því og það var bara valið fyrir bikarleikinn. Ég er bara ánægður með það, held að það hafi alveg verið rétt ákvörðun þó síðasti leikur hafi endað illa. Ég veit samt ekki hvort við sjáum þetta mjög oft aftur."
Athugasemdir