![Icelandair](/images/icelandair2_150x150px.png)
Halla Tómasdóttir mætti í gær á sinn fyrsta landsleik eftir að hafa verið kjörin forseti Íslands.
Halla var mætt á Laugardalsvöll til að sjá Ísland vinna 2-1 sigur á Austurríki í mikilvægum leik í undankeppni EM kvenna. Ísland fór langt með að koma sér á EM með sigrinum.
Halla var mætt á Laugardalsvöll til að sjá Ísland vinna 2-1 sigur á Austurríki í mikilvægum leik í undankeppni EM kvenna. Ísland fór langt með að koma sér á EM með sigrinum.
Halla var kjörin forseti í kosningum sem fram fóru síðasta laugardag. Tekur hún við embættinu af Guðna Th. Jóhannessyni í byrjun ágúst en þau sátu einmitt saman á leiknum. Halla er önnur konan sem mun gegna embættinu.
Það er athyglisvert að báðir forsetarnir byrja á sömu úrslitunum í fyrsta landsleik sínum eftir kjör.
Guðni Th. sá karlalandslið Íslands vinna 2-1 sigur á Englandi á EM 2016 í einum eftirminnilegasta landsleik sem íslenskt landslið hefur spilað. Kvennalandsliðið vann svo 2-1 sigur á Austurríki í gær í fyrsta leiknum eftir kjör Höllu.
Góð byrjun hjá Höllu og vonandi mun hún mæta á fullt af öðrum sigurleikum í framtíðinni.
Athugasemdir