Tryggvi Guðmundsson er líklega að taka við þjálfun Dalvíkur/Reynis í 2. deildinni.
Samkvæmt heimildum Fótbolta.net var leikmönnum Dalvíkur/Reynis tilkynnt þetta á æfingu í kvöld.
Samkvæmt heimildum Fótbolta.net var leikmönnum Dalvíkur/Reynis tilkynnt þetta á æfingu í kvöld.
„Það hafa verið viðræður í gangi og báðir aðilar eru jákvæðir," sagði Helgi Indriðason framkvæmdastjóri Dalvíkur/Reynis við Fótbolta.net í dag.
„Afgerandi ákvörðun hefur ekki verið tekin en þetta ætti að skýrast á morgun eða í síðasta lagi á þriðjudaginn."
Tryggvi var rekinn sem aðstoðarþjálfari ÍBV á dögunum eftir að hafa gerst sekur um brot í starfi.
Tryggvi er markahæsti leikmaðurinn í sögu efstu deildar en hann hefur sjálfur spilað með KFS í 3. deildinni í sumar. Möguleiki er á að hann spili einnig með Dalvík/Reyni samhliða þjálfuninni.
Pétur Heiðar Kristjánsson er spilandi þjálfari hjá Dalvík/Reyni og hann stýrir liðinu í grannaslag gegn KF í 2. deildinni annað kvöld.
Dalvík/Reynir er á botninum í 2. deild með fimm stig, sex stigum frá öruggu sæti en liðið á leik inni gegn KF annað kvöld.
Athugasemdir
