mán 26.apr 2021 15:30 Mynd: Fótbolti.net - Hafliði Breiðfjörð |
|
Spá Fótbolta.net - 2. sæti: Breiðablik
Sérfræðingar Fótbolta.net spá því að Breiðablik hafni í 2. sæti í Pepsi Max-deildinni í sumar. Álitsgjafar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Blikar enda í öðru sæti ef spáin rætist.
Spáin:
1. Valur
2. Breiðablik 109 stig
3. FH 98 stig
4. KR 91 stig
5. KA 78 stig
6. Stjarnan 69 stig
7. Víkingur 57 stig
8. Fylkir 56 stig
9. HK 40 stig
10. Keflavík 28 stig
11. ÍA 23 stig
12. Leiknir 14 stig
Um liðið: Breiðablik hafnaði í fjórða sæti Pepsi Max-deildarinnar í fyrra og hlaut Evrópusæti. Árin tvö þar á undan hafði liðið hafnað í öðru sæti. Blikar hafa verið að gæla við toppinn á deildinni og margir stuðningsmenn sem trúa því að þetta gæti verið árið þeirra.
Þjálfari - Óskar Hrafn Þorvaldsson: Er með skýra hugmyndafræði um hvernig fótbolta hans lið eiga að spila og feikilega mikinn metnað. Tók við Breiðabliksliðinu fyrir síðasta tímabil eftir að hafa náð mögnuðum árangri sem þjálfari Gróttu. Við hlið hans er aðstoðarmaðurinn Halldór Árnason sem var einnig með honum á Seltjarnarnesinu.
Styrkleikar: Á öðru ári ætti handbragð Óskars að sjást enn betur á liðinu og stöðugleikinn að verða meiri. Það er búið að slípa spilið saman frá aftasta manni fram til þess fremsta og liðið leikur áhorfendavænan bolta. Gengi Blika á undirbúningstímabilinu hefur verið afskaplega gott, besta liðið í aðdraganda mótsins og sjálfstraustið mikið. Liðið er með marga gæðaleikmenn og ýmsir sem geta gert gæfumuninn.
Veikleikar: Breiðablik er ekki með sama fjölda af leikmönnum sem hafa reynslu af því að lyfta bikurum eins og keppinautar þeirra í deildinni. Liðið þarf að ná í fleiri stig í innbyrðis toppbaráttuleikjum en það gerði í fyrra. Hvernig er sterkasta varnarlínan hjá Blikum, varnarleikurinn er smá spurningamerki.
Lykilmenn: Gísli Eyjólfsson og Thomas Mikkelsen. Gísli var valinn besti leikmaður undirbúningstímabilsins í útvarpsþættinum Fótbolti.net. Leikmaður sem bindur saman miðju Blikaliðsins. Thomas Mikkelsen er alvöru markaskorari og afskaplega skeinuhættur upp við mark andstæðingana. Blikar eru með fleiri ógnandi sóknarmenn og spennandi verður að sjá hvernig Árni Vilhjálmsson og Jason Daði Svanþórsson koma út.
Fantabrögð mæla með í Draumaliðsdeild Eyjabita:
Hvaða áhrif hefur Árni Vill á Thomas Mikkelsen? Verða þeir saman frammi eða fer Mikkelsen út á vinstri kant eins og hann gerði stundum í fyrra? Ef svo er verður Árni Vill virkilega áhugaverður. Við ætlum að veðja á að það gerist og að hann muni mæta í þessa deild með miklum látum.
Smelltu hér til að fara í Draumaliðsdeild Eyjabita
Hlaðvarpsþátturinn Ungstirnin mælir með:
Róbert Orri Þorkelsson er varnarmaður fæddur árið 2002 sem gekk til liðs við Breiðablik árið 2020 eftir að hafa komið frá Aftureldingu. Róbert spilaði mikið sem hafsent á síðasta tímabili en hann getur einnig spilað vinstri bakvörð. Samkvæmt heimildum Fótbolta.net voru tólf félög erlendis sem höfðu áhuga á miðverðinum unga í lok árs 2020. Róbert var hluti af U21 liði Íslands sem spilaði á EM en Róbert byrjaði tvo leiki á því móti. Þetta er algjör nútíma hafsent sem er góður í löppunum sem hægt er að spila á og er hann þekktur fyrir frábærar langar sendingar úr vörninni. Blikar eru með vel mannaða vörn en undirritaður trúir ekki öðru en Róbert muni leika lykilhlutverki í sumar.
Spurningarnar: Ná Blikar að koma á flugi inn í mótið og leggja KR á sunnudaginn? Hvað skorar Thomas Mikkelsen mörg? Hvernig mun Árni lita deildina?
Völlurinn: Þriðja tímabil Breiðabliks á gervigrasinu á Kópavogsvelli. Stúkan tekur 1.700 áhorfendur í sæti og félagið hefur staðið sig vel í að gera flotta umgjörð í kringum leiki liðsins.
Fyrirliðinn segir - Höskuldur Gunnlaugsson
„Þessi spá kemur ekki á óvart nei, ætli hún sé ekki bara ágætlega raunhæf. Við viljum byrja á því að gera betur en við gerðum í fyrra: Byggja ofan á það sem við gerðum vel og draga úr því sem var síður, þá finnst mér við vera orðnir kandídatar í alvöru titilbaráttu. Mér finnst við betri en í fyrra, sérstaklega að því leytinu að við erum nú búnir að æfa og spila lengur saman og þannig orðnir enn betri í því sem við gerum. Það hafa sterkir menn bæst í hópinn, karakterar með mikla reynslu í bland við unga og áræðna stráka, en vissulega höfum við líka misst góða menn."
Komnir
Árni Vilhjálmsson frá Úkraínu
Davíð Örn Atlason frá Víkingi R.
Finnur Orri Margeirsson frá KR
Jason Daði Svanþórsson frá Aftureldingu
Farnir
Brynjólfur Andersen Willumsson til Kristiansund
Guðjón Pétur Lýðsson til ÍBV
Gunnleifur Gunnleifsson hættur
Karl Friðleifur Gunnarsson í Víking R. á láni
Fyrstu fimm leikir Breiðabliks:
2. maí Breiðablik - KR
8. maí Leiknir - Breiðablik
13. maí Breiðablik - Keflavík
16. maí Víkingur - Breiðablik
21. maí Breiðablik - Stjarnan
Sjá einnig:
Hin hliðin - Viktor Örn Margeirsson
Hin hliðin - Davíð Ingvarsson
Leikmenn Breiðabliks:
1 - Anton Ari Einarsson (m)
3 - Oliver Sigurjónsson
4 - Damir Muminovic
5 - Elfar Freyr Helgason
6 - Alexander Helgi Sigurðarson
7 - Höskuldur Gunnlaugsson
8 - Viktor Karl Einarsson
9 - Thomas Mikkelsen
10 - Árni Vilhjálmsson
11 - Gísli Eyjólfsson
12 - Brynjar Atli Bragason
13 - Anton Logi Lúðvíksson
14 - Jason Daði Svanþórsson
16 - Róbert Orri Þorkelsson
17 - Atli Hrafn Andrason
18 - Finnur Orri Margeirsson
20 - Kristinn Steindórsson
21 - Viktor Örn Margeirsson
23 - Stefán Ingi Sigurðarson
24 - Davíð Örn Atlason
25 - Davíð Ingvarsson
29 - Arnar Númi Gíslason
30 - Andri Yeoman
31 - Benedikt V. Warén
Spámennirnir: Arnar Daði Arnarsson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson
1. Valur
2. Breiðablik 109 stig
3. FH 98 stig
4. KR 91 stig
5. KA 78 stig
6. Stjarnan 69 stig
7. Víkingur 57 stig
8. Fylkir 56 stig
9. HK 40 stig
10. Keflavík 28 stig
11. ÍA 23 stig
12. Leiknir 14 stig
Um liðið: Breiðablik hafnaði í fjórða sæti Pepsi Max-deildarinnar í fyrra og hlaut Evrópusæti. Árin tvö þar á undan hafði liðið hafnað í öðru sæti. Blikar hafa verið að gæla við toppinn á deildinni og margir stuðningsmenn sem trúa því að þetta gæti verið árið þeirra.
Þjálfari - Óskar Hrafn Þorvaldsson: Er með skýra hugmyndafræði um hvernig fótbolta hans lið eiga að spila og feikilega mikinn metnað. Tók við Breiðabliksliðinu fyrir síðasta tímabil eftir að hafa náð mögnuðum árangri sem þjálfari Gróttu. Við hlið hans er aðstoðarmaðurinn Halldór Árnason sem var einnig með honum á Seltjarnarnesinu.
Styrkleikar: Á öðru ári ætti handbragð Óskars að sjást enn betur á liðinu og stöðugleikinn að verða meiri. Það er búið að slípa spilið saman frá aftasta manni fram til þess fremsta og liðið leikur áhorfendavænan bolta. Gengi Blika á undirbúningstímabilinu hefur verið afskaplega gott, besta liðið í aðdraganda mótsins og sjálfstraustið mikið. Liðið er með marga gæðaleikmenn og ýmsir sem geta gert gæfumuninn.
Veikleikar: Breiðablik er ekki með sama fjölda af leikmönnum sem hafa reynslu af því að lyfta bikurum eins og keppinautar þeirra í deildinni. Liðið þarf að ná í fleiri stig í innbyrðis toppbaráttuleikjum en það gerði í fyrra. Hvernig er sterkasta varnarlínan hjá Blikum, varnarleikurinn er smá spurningamerki.
Lykilmenn: Gísli Eyjólfsson og Thomas Mikkelsen. Gísli var valinn besti leikmaður undirbúningstímabilsins í útvarpsþættinum Fótbolti.net. Leikmaður sem bindur saman miðju Blikaliðsins. Thomas Mikkelsen er alvöru markaskorari og afskaplega skeinuhættur upp við mark andstæðingana. Blikar eru með fleiri ógnandi sóknarmenn og spennandi verður að sjá hvernig Árni Vilhjálmsson og Jason Daði Svanþórsson koma út.
Fantabrögð mæla með í Draumaliðsdeild Eyjabita:
Hvaða áhrif hefur Árni Vill á Thomas Mikkelsen? Verða þeir saman frammi eða fer Mikkelsen út á vinstri kant eins og hann gerði stundum í fyrra? Ef svo er verður Árni Vill virkilega áhugaverður. Við ætlum að veðja á að það gerist og að hann muni mæta í þessa deild með miklum látum.
Smelltu hér til að fara í Draumaliðsdeild Eyjabita
Hlaðvarpsþátturinn Ungstirnin mælir með:
Róbert Orri Þorkelsson er varnarmaður fæddur árið 2002 sem gekk til liðs við Breiðablik árið 2020 eftir að hafa komið frá Aftureldingu. Róbert spilaði mikið sem hafsent á síðasta tímabili en hann getur einnig spilað vinstri bakvörð. Samkvæmt heimildum Fótbolta.net voru tólf félög erlendis sem höfðu áhuga á miðverðinum unga í lok árs 2020. Róbert var hluti af U21 liði Íslands sem spilaði á EM en Róbert byrjaði tvo leiki á því móti. Þetta er algjör nútíma hafsent sem er góður í löppunum sem hægt er að spila á og er hann þekktur fyrir frábærar langar sendingar úr vörninni. Blikar eru með vel mannaða vörn en undirritaður trúir ekki öðru en Róbert muni leika lykilhlutverki í sumar.
Spurningarnar: Ná Blikar að koma á flugi inn í mótið og leggja KR á sunnudaginn? Hvað skorar Thomas Mikkelsen mörg? Hvernig mun Árni lita deildina?
Völlurinn: Þriðja tímabil Breiðabliks á gervigrasinu á Kópavogsvelli. Stúkan tekur 1.700 áhorfendur í sæti og félagið hefur staðið sig vel í að gera flotta umgjörð í kringum leiki liðsins.
„Við erum nú búnir að æfa og spila lengur saman og þannig orðnir enn betri í því sem við gerum"
Fyrirliðinn segir - Höskuldur Gunnlaugsson
„Þessi spá kemur ekki á óvart nei, ætli hún sé ekki bara ágætlega raunhæf. Við viljum byrja á því að gera betur en við gerðum í fyrra: Byggja ofan á það sem við gerðum vel og draga úr því sem var síður, þá finnst mér við vera orðnir kandídatar í alvöru titilbaráttu. Mér finnst við betri en í fyrra, sérstaklega að því leytinu að við erum nú búnir að æfa og spila lengur saman og þannig orðnir enn betri í því sem við gerum. Það hafa sterkir menn bæst í hópinn, karakterar með mikla reynslu í bland við unga og áræðna stráka, en vissulega höfum við líka misst góða menn."
Komnir
Árni Vilhjálmsson frá Úkraínu
Davíð Örn Atlason frá Víkingi R.
Finnur Orri Margeirsson frá KR
Jason Daði Svanþórsson frá Aftureldingu
Farnir
Brynjólfur Andersen Willumsson til Kristiansund
Guðjón Pétur Lýðsson til ÍBV
Gunnleifur Gunnleifsson hættur
Karl Friðleifur Gunnarsson í Víking R. á láni
Fyrstu fimm leikir Breiðabliks:
2. maí Breiðablik - KR
8. maí Leiknir - Breiðablik
13. maí Breiðablik - Keflavík
16. maí Víkingur - Breiðablik
21. maí Breiðablik - Stjarnan
Sjá einnig:
Hin hliðin - Viktor Örn Margeirsson
Hin hliðin - Davíð Ingvarsson
Leikmenn Breiðabliks:
1 - Anton Ari Einarsson (m)
3 - Oliver Sigurjónsson
4 - Damir Muminovic
5 - Elfar Freyr Helgason
6 - Alexander Helgi Sigurðarson
7 - Höskuldur Gunnlaugsson
8 - Viktor Karl Einarsson
9 - Thomas Mikkelsen
10 - Árni Vilhjálmsson
11 - Gísli Eyjólfsson
12 - Brynjar Atli Bragason
13 - Anton Logi Lúðvíksson
14 - Jason Daði Svanþórsson
16 - Róbert Orri Þorkelsson
17 - Atli Hrafn Andrason
18 - Finnur Orri Margeirsson
20 - Kristinn Steindórsson
21 - Viktor Örn Margeirsson
23 - Stefán Ingi Sigurðarson
24 - Davíð Örn Atlason
25 - Davíð Ingvarsson
29 - Arnar Númi Gíslason
30 - Andri Yeoman
31 - Benedikt V. Warén
Spámennirnir: Arnar Daði Arnarsson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson
Athugasemdir