Harry Potter er karakter úr bókum eftir enska rithöfundinn J.K. Rowling og hafa verið gerðar átta bíómyndir eftir bókunum.

Ten Hag nefndi Harry á nafn í þriðja sinn á einu og hálfu ári er hann var spurður út í komu úrúgvæska miðjumannsins Manuel Ugarte.

Hollendingurinn nefndi hann fyrst í janúar á síðasta ári er hann var spurður út í frábært leikform Marcus Rashford og nefndi þá aftur galdramanninn þegar hann var spurður í Rashford öðru sinni tveimur mánuðum síðar.

Eins og áður kom fram var Ugarte fenginn frá Paris Saint-Germain fyrir gluggalok en Ten Hag býst við því að það muni taka vikur og jafnvel mánuði að koma honum fyrir í liðinu.

„Það er ekki eins og ég sé Harry Potter, þið verðið að skilja það. Manuel Ugarte hefur ekki spilað á þessu tímabili og þarf að byggja upp form. Það mun taka vikur, jafnvel mánuði,“ sagði Ten Hag við Samuel Luckhurst hjá Manchester Evening News.

Þá er það alla vega komið á hreint. Erik ten Hag er ekki Harry Potter.