Stuðningsmenn Manchester United eru að missa alla þolinmæði gagnvart Marcus Rashford.
Rashford hefur lítið gert inn á vellinum síðasta árið en stuðningsmenn United bauluðu í gær þegar Alejandro Garnacho var tekinn af velli og Rashford fékk að hanga inn á í 0-3 tapinu gegn Liverpool.
Rashford hefur lítið gert inn á vellinum síðasta árið en stuðningsmenn United bauluðu í gær þegar Alejandro Garnacho var tekinn af velli og Rashford fékk að hanga inn á í 0-3 tapinu gegn Liverpool.
Gary Neville, fyrrum leikmaður Man Utd, segir það augljóst að Rashford skorti sjálfstraust.
„Hann gat farið einn á einn gegn Konate. Kannski ertu ekki að eiga góðan dag en þú verður samt að gera það. En hann fór bara til baka. Það segir þér á hvernig stað hann er núna," sagði Neville.
„Ég vil hugsa að hann geti komist aftur í sitt besta form en þetta hefur verið slæmt í 14 mánuði núna. Hann skoraði 30 mörk á þar síðasta tímabili."
„Það er eins og hann hafi ekki gaman að því að spila fótbolta og það er sorglegt. Það er erfitt fyrir stuðningsmenn Manchester United að horfa á hann."
Athugasemdir