„Tilfinningin er bara æðisleg. Hún gæti ekki verið betri," sagði Emilía Kiær Ásgeirsdóttir við Fótbolta.net eftir sinn fyrsta landsleik með Íslandi í kvöld.
Hún kom inn á sem varamaður í lokin og hjálpaði Íslandi að landa sigrinum. Fjölskylda hennar var í stúkunni og upplifði stóru stundina með henni
Hún kom inn á sem varamaður í lokin og hjálpaði Íslandi að landa sigrinum. Fjölskylda hennar var í stúkunni og upplifði stóru stundina með henni
Lestu um leikinn: Ísland 2 - 1 Austurríki
„Þetta var gríðarlega mikilvægt fyrir mig og sérstök tilfinning að heyra í öllu fólkinu fyrir aftan mig. Þetta er alveg 100 prósent draumur að rætast. Ég held að það sé draumur hjá flestum fótboltastelpum að spila á Laugardalsvelli fyrir A-landslið kvenna," sagði Emilía.
„Fjölskyldan mín var hérna. Hlið pabba míns býr hérna og það er létt fyrir þau að koma á leikinn. Það var geggjað að hafa stuðninginn þeirra og vita af þeim í stúkunni. Ég er mjög þakklát að þau hafi komið. Ég er ekki að fara að gleyma þessu."
Ísland vann sigur á Austurríki í kvöld í rosalega mikilvægum leik, 2-1. Liðið er núna í góðri stöðu að komast á EM á næsta ári
„Þetta var markmiðið. Það er æðislegt að fá fyrsta landsleikinn og fyrsta sigurinn á sama tíma. Þetta gat ekki verið betra. Þetta er mjög mikilvægt. Við töluðum mikið um að fá sigurinn á móti þeim," sagði Emilía.
„Ef ég er að hugsa svo langt, þá væri það stór draumur að fara á EM með íslenska landsliðinu. Það væri bara klikkað."
Hægt er að sjá allt viðtalið í spilaranum hér að ofan.
Athugasemdir