Hún var utan hóps vegna mistaka hjá starfsmanni KSÍ en það gleymdist að skrá hana og Kristínu Dís Árnadóttur í hópinn. Þær þurftu að horfa á leikinn úr stúkunni og voru ekki hluti af liðinu þrátt fyrir að hafa tekið þátt í öllum undirbúningi.

Selma var spurð út í málið eftir leikinn í gær og hver hennar skoðun væri á því.

„Ég vil helst tjá mig sem minnst um það," sagði Selma sem byrjaði og spilaði stærstan hluta leiksins í gær.

Hún bætti þá við: „Það var gott að fá mínútur og ég er sátt með það sem ég lagði fram í dag. Ég skilaði mínu hlutverki vel."

Eftir þennan góða sigur á Austurríki í gær er liðið í mjög góðri stöðu upp á það að komast beint á EM á næsta ári.