Bæði lið eru taplaus í deildinni en Nottingham Forest vann óvæntan 1-0 sigur á Liverpool í síðustu umferð á meðan Brighton gerði markalaust jafntefli við nýliða Ipswich.

Fabian Hürzeler, stjóri Brighton, gerir tvær breytingar á sínu liði. Pervis Estupinan og Simon Adingra koma inn fyrir Yasin Ayari og Yankuba Minteh. Joao Pedro er þá kominn til baka eftir að hafa tekið út tveggja leikja bann, en hann er á bekknum í dag.

Callum Hudson-Odoi og Anthony Elanga, sem voru frábærir í sigri Forest á Liverpool, koma þá inn í liðið í stað Ryan Yates og Nicolas Dominguez. Morgan Gibbs-White er með fyrirliðabandið.

Brighton: Verbruggen; Veltman, Dunk, van Hecke, Estupinan; Baleba, Hinselwood; Adingra, Georginio, Mitoma; Welbeck.

Nottingham Forest: Sels; Aina, Milenkovic, Murillo, Moreno; Anderson, Ward-Prowse; Elanga, Gibbs-White, Hudson-Odoi; Wood.