Tyrkneski varnarmaðurinn Yasin Özcan er að ganga í raðir Aston Villa frá Kasimpasa en þetta kemur fram í tyrkneskum miðlum í dag.
Özcan er 18 ára gamall miðvörður sem getur einnig spilað stöðu vinstri bakvarðar.
Þrátt fyrir ungan aldur hefur Özcan spilað rúma 70 leiki fyrir aðallið Kasimpasa og var hann á lista Guardian yfir bestu leikmenn heims sem fæddir eru árið 2006.
Tyrkneski miðillinn ÍHA Spor segir frá því í dag að enska úrvalsdeildarfélagið Aston Villa hafi náð samkomulagi við Kasimpasa um kaup á Özcan, en kaupverðið er tæpar 7 milljónir punda.
Özcan mun ganga formlega í raðir Villa í janúar og verða þetta fyrstu kaup félagsins á nýju ári.
Athugasemdir
