Callum Wilson telur sig hafa gert allt sem hann getur gert til að verðskulda sæti í HM hóp Englands. Nú bíður hann bara eftir vali Gareth Southgate sem opinberað verður á morgun.
Wilson hefur skorað sex mörk í tíu leikjum á þessu tímabili.
Wilson hefur skorað sex mörk í tíu leikjum á þessu tímabili.
Hann hefur verið mikið á meiðslalistanum undanfarin ár og því aðeins spilað fjóra landsleiki fyrir England, og skorað eitt mark.
„Ég er í góðu standi og líður mjög vel. Ég hef ekki verið í neinu sambandi við Gareth en ég tel ekkert óvenjulegt. Þegar ég fékk mitt fyrsta landsliðsval 2019 voru engin samskipti í aðdragandanum svo ég hef engar áhyggjur," segir Wilson.
„Ég er ánægður með það sem ég hef gert, ég hefði ekki getað gert mikið meira. Ég er með sex mörk í tíu leikjum og tvær eða þrjár stoðsendingar. Ég hef gert mitt besta og vonandi er mitt besta nóg."
Spennandi verður að sjá hver verði varaskeifa fyrir Harry Kane á HM en Tammy Abraham, sóknarmaður Roma, kemur þar til greina líkt og Wilson.
Athugasemdir
