Dagur Dan Þórhallsson byrjaði á bekknum þegar Orlando City heimsótti New York City í MLS deildinni í nótt.
Það var markalaust í hálfleik en New York náði forystunni eftir tæplega klukkutíma leik. Tíu mínútum síðar tókst Orlando að jafna metin en sigurmark New York fylgdi fljótlega á eftir.
Dagur kom inn á 81. mínútu og New York missti mann af velli fimm mínútum síðar en Orlando tókst ekki að nýta sér liðsmuninn og 2-1 tap Orlando niðurstaðan.
Orlando er í 12. sæti Austurdeildarinnar með þrjú stig eftir þrjár umferðir en liðið lagði Toronto í síðustu umferð.
Athugasemdir
