Grótta heimsótti Njarðvíkinga á Rafholtsvöllinn í kvöld þegar 19.umferð Lengjudeildarinnar hóf göngu sína.
Grótta eru í virkilega erfiðri stöðu í deildinni og sitja á botni deildarinnar fimm stigum frá öruggu sæti þegar lítið er eftir.
Lestu um leikinn: Njarðvík 1 - 0 Grótta
„Við erum nátturlega ógeðslega svekktir. Okkur finnst eins og við eigum skilið allavega eitt stig úr þessum leik og miðað við stöðuna sem við erum í þá bítur þetta kannski aðeins meira. Það er margt jákvætt og það er leikur aftur næstu helgi þannig við þurfum að undirbúa það." Sagði Igor Bjarni Kostic þjálfari Gróttu eftir leikinn í kvöld.
„Mér finnst við bara vera að stíga í réttan fót. Í stuttu máli sem lið. Við sækjum aðeins betur og sækjum saman. Við verjum aðeins betur og í seinni hálfleik þá opnast leikurinn svolítið og það var orðin pínu örvænting og þá fer strúktúrinn svolítið en meðan við vorum agaðir þá fannst mér Njarðvíkingar ekki vera að opna okkur."
„Markið kemur úr föstu leikatriði þar sem seinni bolti dettur fyrir utan teig og það er sparkað í gegnum þvögu. Við vorum að gefa færri færi á okkur í þessum leik heldur en t.d. á móti ÍBV. Það er aðalega það að mér finnst við vera stíga í rétta átt. Karakterinn er ennþá í liðinu, strákarnir eru tilbúnir til þess að berjast og maður verður einfaldlega að virða það að strákarnir í þessari stöðu eru tilbúnir til þess að mæta aftur og aftur og slást fyrir allt þetta."
Nánar er rætt við Igor Bjarna Kostic í spilaranum hér fyrir ofan.
| Lið | L | U | J | T | Mörk | mun | Stig |
|---|
