Pétur Heiðar Kristjánsson
Pétur Heiðar Kristjánsson, þjálfari Dalvíkur/Reynis í 2. deild karla, hefur neitað þeim sögusögnum um að hann hafi veðjað gegn eigin liði í Kjarnafæðismótinu er liðið tapaði fyrir Þór með sjö mörkum gegn engu.
Vikublaðið Akureyri birti í kvöld frétt þess efni að nokkrir leikmenn Þórs á Akureyri væru undir rannsókn félagsins þar sem vísbendingar bárustum að þeir hafi veðjað á sigur liðsins gegn Dalvík/Reyni í Kjarnafæðismótinu.
Leikmennirnir áttu þá að hafa lagt háar fjárhæðir á sigur Þórsara og meiri pening á að liðið myndi vinna með meira en þremur mörkum.
Vikublaðið Akureyri ræddi þá við Pétur Heiðar Kristjánsson, þjálfara Dalvíkur/Reynis um málið en hann sagði þar að fótbolti ætti ekki að snúast um veðmál.
Fótbolti.net fékk vísbendingar seint í kvöld um að Pétur Heiðar hafi sjálfur veðjað gegn eigin liði í leiknum gegn Þór en er undirritaður hafði samband við Pétur þá neitaði hann þeim sögusögnum.
,,Það er ekkert til í þessu. Þórsarar reyndu að klína þessu yfir á mína leikmenn um að þeir hafi veðjað gegn eigin liði til þess að bjarga sér en við eigum engan þátt í þessu," sagði Pétur við Fótbolta.net í kvöld.
Sjá einnig:
Vísbendingar um að leikmenn Þórs hafi veðjað á eigin leik
Athugasemdir
