Fred
Karla og kvennalið Fram unnu góða sigra í æfingaleikjum í dag. Bæði lið spila í Bestu deildinni í sumar en kvennaliðið er nýliði eftir að hafa hafnað í 2. sæti í Lengjudeildinni síðasta sumar.
Karlaliðið fékk Gróttu í heimsókn og vann 4-0 sigur. Fred Saraiva, Már Ægisson og Vuk Oskar Dimitrijevic komust á blað en Grótta varð einnig fyrir því óláni að skora sjálfsmark.
Grótta féll úr Lengjudeildinni síðasta sumar.
Kvennaliðið hélt til Keflavíkur og vann 6-2 sigur. Lily Farkas gekk til liðs við Fram í vetur frá Fortuna Hjörring í Danmörku. Hún skoraði þrennu í dag. Murielle Tiernan, Una Rós Unnarsdóttir og Alda Ólafsdóttir komust einnig á blað.
Athugasemdir
