Haaland á að hafa slegið lukkudýrið aftan í höfuðið
Kona sem starfaði hjá Englandsmeisturum Manchester City sem lukkudýrið Moonbeam tilkynnti norska framherjann Erling Braut Haaland til lögreglu fyrir að hafa slegið hana aftan í höfuðið fyrir leik í ensku úrvalsdeildinni en það er Sun sem greinir frá.
Atvikið átti sér stað fyrir leik Man City gegn Southampton í október á síðasta ári.
Konan vann ekki í fullu starfi sem lukkudýrið og vann aðeins við þetta öðru hverju, en hún tilkynnti Haaland til lögreglu og fór á spítala eftir umrætt atvik.
Samkvæmt frásögn hennar hélt hún að einhver hefði sparkað bolta aftan í höfuð hennar en brá gríðarlega þegar hún sá að það var Haaland sem sló hana. Þá segist hún hafa fengið heilahristing, en Man City svaraði fyrirspurn Sun um málið og segir því lokið.
Talsmaður Man City segir að félagið hafi rannsakað málið og var ekkert sem studdi frásögn konunnar. Lögreglan ákvað að fara ekki með málið lengra.
Haaland skoraði í umræddum leik en Man City tapaði síðan næstu fjórum og skráði sig úr titilbaráttunni.
Athugasemdir
