L'Equipe fullyrðir að Mane missi af HM.
Senegalska þjóðin bíður milli vonar og ótta eftir tíðindum af meiðslum skærustu stjörnu landsliðsins, Sadio Mane.
Mane fór meiddur af velli í 6-1 sigurleik Bayern München gegn Werder Bremen í gær. Ljóst er að hann mun missa af leik Bayern gegn Schalke um komandi helgi.
Mane fór meiddur af velli í 6-1 sigurleik Bayern München gegn Werder Bremen í gær. Ljóst er að hann mun missa af leik Bayern gegn Schalke um komandi helgi.
Mane meiddist í hægri kálfa og fékk sér skyndilega sæti á vellinum, hann reyndi að halda leik áfram en það gekk ekki.
„Mane mun fara í frekari skoðun á komandi dögum. FC Bayern er í beinu sambandi við læknateymi senegalska fótboltasambandsins," segir í stuttri tilkynningu Bayern.
Mane er skærasta stjarna Senegal en franska blaðið L'Equipe fullyrti í morgun að Mane myndi missa af HM í Katar. Ekkert hefur verið þó staðfest í þeim efnum.
Fyrsti leikur Senegal á HM verður gegn Hollandi eftir þrettán daga. Tilkynna á senegalska hópinn á föstudag en Senegal er ríkjandi Afríkumeistari.
Athugasemdir
