Hörðustu stuðningsmenn þýska stórveldisins Bayern München sendu skýr skilaboð í gær eftir ummæli frá sendiherra HM í Katar í samtali við þýska sjónvarpsstöð.
Mikið hefur verið fjallað um mannréttindabrot í Katar og þann mikla fjölda verkamanna sem hafa látið lífið við að byggja leikvanga og önnur mannvirki fyrir mótið.
Í Katar er samband einstaklinga af sama kyni bannað og einnig er fræðsla um samkynhneigð skilgreind sem glæpur.
Skipuleggjendur hafa ítrekað haldið því fram að öllum stuðningsfólki sé boðið á mótið og það verði öruggt á meðan mótinu stendur. En núna - þegar stutt er í fyrsta leik - þá hefur sendiherra fyrir mótið stigið fram opinberlega og lýst samkynhneigð sem „skemmd í huganum".
„Fólk verður að virða okkar reglur," sagði Khalid Salman, fyrrum landsliðsmaður Katar og sendiherra fyrir mótið. „f hverju er samkynhneigð bönnuð? Því það er skemmd í huganum."
Hörðustu stuðningsmenn Bayern svöruðu þessum ummælum með borða í gær. Á borðanum stóð: „Skemmd í huganum? Khalid og félagar, farið til fjandans."
Hér fyrir neðan má sjá mynd af borðanum.
Bayern Ultras just now: “Damaged mind? Fuck you Khalid and co.” https://t.co/Ih8vLdiLsz pic.twitter.com/fG772Ugj4B
— Archie Rhind-Tutt (@archiert1) November 8, 2022
Athugasemdir