Vedat Muriqi skoraði eina mark leiksins fyrir Mallorca á 16. mínútu en Atlético er í mikilli lægð þessa dagana.

Liðið er úr leik í Meistaradeildinni og hefur þá eins og áður segir ekki unnið í síðustu þremur deildarleikjum. Atlético er í 6. sæti deildarinnar með 24 stig þrettán stigum frá toppnum.

Villareal lagði þá Espanyol að velli, 1-0. Franski markvörðurinn Benjamin Lecomte gerði sjálfsmark á 64. mínútu. Fyrst varði hann skot sem fór af stönginni á leikmann Villarreal og kom hann boltanum fyrir en Lecomte sparkaði boltanum óvænt í eigið net.

Sevilla tapaði þá fyrir Real Sociedad, 2-1. Alexander Sorloth kom Sociedad yfir á 20. mínútu og átta mínútum síðar var Ivan Rakitic rekinn af velli í liði Sevilla. Gestirnir misstu annan mann af velli er Tanguy Nianzou fékk að líta rauða spjaldið og nýtti Sociedad sér liðsmuninn og bætti við öðru í gegnum Brais Mendez.

Rafa Mir minnkaði muninn undir lok fyrri hálfleiks en liðið komst ekki lengra en það. Lokatölur 2-1 fyrir Sociedad sem er í þriðja sæti með 26 stig.

Úrslit og markaskorarar:

Espanyol 0 - 1 Villarreal
1-0 Benjamin Lecomte ('64 , sjálfsmark)

Almeria 1 - 0 Getafe
1-0 Leo Baptistao ('26 )
Rautt spjald: Rodrigo Ely, Almeria ('87)

Mallorca 1 - 0 Atletico Madrid
1-0 Vedat Muriqi ('16 )

Sevilla 1 - 2 Real Sociedad
0-1 Alexander Sorloth ('20 )
0-2 Brais Mendez ('36 )
1-2 Rafa Mir ('44 )
Rautt spjald: ,Ivan Rakitic, Sevilla ('28)Tanguy Nianzou, Sevilla ('34)