Bernio Verhagen þegar hann var kynntur hjá Viborg.
Lögreglan í Danmörku greindi frá því á Twitter í dag að Bernio Verhagen hafi strokið úr haldi í dag. Verhagen komst í fréttirnar á dögunum en hann krækti sér í samning hjá danska félaginu Viborg á fölskum forsendum.
Með fölsuðum tölvupóstum sem voru í nafni Stellar Group umboðsskrifstofunnar fékk Verhagen samning hjá Viborg en ferilskrá hans var uppspuni.
Í póstunum var sagt að Verhagen yrði líklega seldur til Kína fyrir háar fjárhæðir og þar mátti finna fölsuð meðmæli frá Marc Overmars og fleirum.
Verhagen hefur verið ákærður fyrir svindl og þá hefur dönsk fyrrverandi kærasta hans stigið fram í dönskum fjölmiðlum og sagt frá ofbeldisfullri framkomu hans.
Verið var að flytja Verhagen til Holbro í dag þegar hann náði að strjúka en leit stendur nú yfir af honum.
Varetægtsfængslede Verhagen er kl. 1345 stukket af fra politiet i forbindelse med transport i Holstebro. Vi beder offentligheden om hjælp til at finde ham. Oplysninger til 114. #politidk pic.twitter.com/h3yR4thfPa
— MV-Jyllands Politi (@MVJPoliti) December 16, 2019
Athugasemdir
