„Ég get ekki setið í EM stofunni og beðið Deschamps og Gareth Southgate um að vera djarfa og taka áhættur, og liggja svo sjálfur til baka og beita skyndisóknum. Það væri hræsni," sagði Óskar Hrafn Þorvaldsson þjálfari KR eftir 2 - 0 tap gegn Vestra á Ísafirði í fyrsta leik hans sem aðalþjálfari liðsins.
Lestu um leikinn: Vestri 2 - 0 KR
„Við þurfum að passa að við verðum betri með hverjum leiknum og betri í því sem við erum að gera og verðum ennþá öflugri að nýta okkur stöðurnar sem við komumst í milli miðju og varnar hjá andstæðingunum og ennþá einbeittari í færunum. Svo slökknar stundum á okkur í varnarleiknum og það er hellingur sem þarf að laga. En það er líka hellingur sem er hægt að byggja á, frammistöðulega séð var þetta mjög gott að mörgu leiti en úrslitalega séð var það slæmt."
KR er í 9. sætinu eftir leikinn, stigi fyrir ofan Vestra og 4 stigum frá fallsæti.
„Ég ætla að horfa á þetta þannig að vera meðvitaður um að við séum í fallbaráttu. Við erum ekki það hrokafullir að við höldum að við séum of góðir til að falla. En ég held að ef þú ætlir að einblína of mikið á það þá verði framþróunin engin. Við þurfum að þróa liðið fram á við. Skammtímamarkmiðið er að halda okkur í deildinni og langtímamarkmiðið að búa til gott fótboltalið. Við verðum að vinna að þessum tveimur þáttum á sama tíma.
Nánar er rætt við Óskar Hrafn í spilaranum að ofan.
Athugasemdir