Rayo Vallecano 3 - 1 Osasuna
0-1 Raul Garcia ('27 )
1-1 Abdul Mumin ('50 )
2-1 Andrei Ratiu ('66 )
3-1 Unai Lopez ('90 )
0-1 Raul Garcia ('27 )
1-1 Abdul Mumin ('50 )
2-1 Andrei Ratiu ('66 )
3-1 Unai Lopez ('90 )
Rayo Vallecano lagði Osasuna að velli, 3-1, í 5. umferð La Liga á Spáni í kvöld.
Heimamenn byrjuðu á afturfótunum í leiknum. Bryan Zaragoza, sem er á láni hjá Osasuna frá Bayern München, var hættulegasti maður gestanna.
Hann átti tilraun sem Augusto Batalla varði áður en hann kom með laglega fyrirgjöf á Raul Garcia sem var tekinn niður í teignum. Ekkert var dæmt en leikmenn og þjálfarateymi Osasuma mótmælti ákvörðun dómarans harðlega. Zaragoza og Vicente Moreno, þjálfari liðsins, fengu báðir að líta gula spjaldið.
Suttu síðar komst Osasuna í forystu. Varnarmaður Rayo hreinsaði boltann hátt upp í loft. Raul Garcia bauð þá upp á fullkomna móttöku og lagði boltann fyrir sig í fyrsta áður en hann þrumaði honum efst í hægra hornið. Stórglæsilegt mark hjá Spánverjanum.
Í síðari hálfleiknum tóku leikmenn Rayo við sér. Abdul Mumin jafnaði með frábæru skoti í slá og inn á 50. mínútu og sextán mínútum síðar kom Andrei Ratiu heimamönnum í forystu.
Kólumbíumaðurinn James Rodriguez var kynntur til leiks hjá Rayo á 87. mínútu og varð þar með elsti útlendingurinn til þess að spila sinn fyrsta leik með félaginu í sögu þess. Hann tók metið af samlanda sínum, Radamel Falcao.
Þegar tæpar fimm mínútur voru komnar fram yfir venjulegan leiktíma gulltryggði Unai Lopez sigurinn og lokatölur því 3-1 fyrir Rayo sem er með 7 stig eftir fimm leiki, eins og Osasuna.
Stöðutaflan
Spánn
La Liga - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Barcelona | 5 | 5 | 0 | 0 | 17 | 4 | +13 | 15 |
2 | Atletico Madrid | 5 | 3 | 2 | 0 | 9 | 2 | +7 | 11 |
3 | Real Madrid | 5 | 3 | 2 | 0 | 9 | 2 | +7 | 11 |
4 | Villarreal | 5 | 3 | 2 | 0 | 11 | 8 | +3 | 11 |
5 | Celta | 5 | 3 | 0 | 2 | 13 | 10 | +3 | 9 |
6 | Betis | 5 | 2 | 2 | 1 | 5 | 4 | +1 | 8 |
7 | Mallorca | 6 | 2 | 2 | 2 | 4 | 4 | 0 | 8 |
8 | Alaves | 5 | 2 | 1 | 2 | 7 | 6 | +1 | 7 |
9 | Vallecano | 5 | 2 | 1 | 2 | 7 | 6 | +1 | 7 |
10 | Girona | 5 | 2 | 1 | 2 | 8 | 8 | 0 | 7 |
11 | Athletic | 5 | 2 | 1 | 2 | 6 | 6 | 0 | 7 |
12 | Espanyol | 5 | 2 | 1 | 2 | 5 | 5 | 0 | 7 |
13 | Osasuna | 5 | 2 | 1 | 2 | 6 | 10 | -4 | 7 |
14 | Sevilla | 5 | 1 | 2 | 2 | 4 | 6 | -2 | 5 |
15 | Leganes | 5 | 1 | 2 | 2 | 3 | 5 | -2 | 5 |
16 | Real Sociedad | 6 | 1 | 1 | 4 | 3 | 7 | -4 | 4 |
17 | Valladolid | 5 | 1 | 1 | 3 | 2 | 13 | -11 | 4 |
18 | Getafe | 5 | 0 | 3 | 2 | 2 | 4 | -2 | 3 |
19 | Las Palmas | 5 | 0 | 2 | 3 | 6 | 10 | -4 | 2 |
20 | Valencia | 5 | 0 | 1 | 4 | 3 | 10 | -7 | 1 |
Athugasemdir