KR fór í heimsókn í Kórinn fyrr í kvöld og mættu þar HK í Bestu-deildinni. Leikar enduðu með 3-2 sigri HK í mögnuðum leik. Óskar Hrafn þjálfari KR mætti í viðtal eftir leik.
Lestu um leikinn: HK 3 - 2 KR
„Það lítur út fyrir það að markið sem þeir skora í byrjun seinni hálfleiks hafi algjörlega slegið okkur út af laginu. Við fengum högg og stóðum ekki upp eftir það. Mér fannst við aldrei ná neinum takti í seinni hálfleik, hvorki varnarlega né sóknarlega.
Seinni hálfleikurinn var ekki nógu góður við urðum litlir í okkur og réðum ekki við mótlætið sem fylgdi þessu fyrsta marki."
KR er einu stigi fyrir ofan fallsæti.
„Ég met hana (stöðuna) sem krefjandi. En á móti skemmtilega, það eru 8 leikir eftir af þessu móti.
Ég hef engar sérstakar áhyggjur af þessu, en það er alveg ljóst að við þurfum að spila betur heilan leik."
Viðtalið má sjá í heild sinni í spilaranum hér fyrir ofan.
Athugasemdir