Casadei er mikilvægur hlekkur í U21 landsliði Ítalíu. Hann á í heildina 44 leiki að baki fyrir yngri landsliðin.
Sky Sports er meðal fjölmiðla sem greina frá miklum áhuga á Cesare Casadei, 22 ára miðjumanni Chelsea.
Casadei er til sölu fyrir 12,5 milljónir punda og eru þrjú félög áhugasöm um að kaupa hann fyrir þessa upphæð.
Ítölsku félögin Torino og Lazio vilja bæði festa kaup á miðjumanninum en portúgalska stórveldið FC Porto hefur einnig mikinn áhuga.
Casadei þykir ekki nægilega góður fyrir Chelsea og því er félagið reiðubúið til að selja hann. Það eru tvö og hálft ár síðan Chelsea keypti Casadei frá Inter og kom hann við sögu í 17 keppnisleikjum með aðalliðinu.
Casadei var lánaður til Leicester á síðustu leiktíð og gerði fína hluti undir stjórn Enzo Maresca.
Lazio er talið leiða kapphlaupið um Casadei.
Athugasemdir
